1. தமிழகம் முழுக்க நடக்கும் CAA எதிர்ப்புப் போராட்டங்களில் முஸ்லிம்கள் முன்னணியில் இருப்பது அனைவரும் அறிந்ததே. தன்னெழுச்சியான இந்தப் போராட்டத்தை அமைப்புகள், இயக்கங்களுக்கு அப்பால் சாமானிய மக்களே அணிதிரண்டு நடத்தி வருகின்றனர்.
2. இந்தப் போராட்டம் முஸ்லிம்கள் தொடர்ச்சியாக அநீதிக்குள்ளாகி, வஞ்சிக்கப்பட்டு வந்ததன் எதிரொலி என்பதை நாம் மறந்துவிடக் கூடாது.
3. இதை வெறும் CAAக்கான எதிர்ப்பாக மட்டும் எப்படி நம்மால் சுருக்கிப் புரிந்துகொள்ள முடியாதோ, அவ்வாறே வெறும் பாஜக எதிர்ப்பாகவும் இதைச் சுருக்கிவிடக் கூடாது. ஏனெனில், ரத்தம் சிந்தி, உயிரைக் கொடுத்து மக்கள் போராடிக் கொண்டிருக்கின்றனர். பாஜக-வுக்கு மாற்றாக காங்கிரஸையோ திமுக-வையோ கொண்டு வருவதற்காகத்தான் இவ்வளவுமா?
4. இத்தனை ஆண்டுகாலமாக இங்குள்ள மையநீரோட்டக் கட்சிகள்தாம் நம்மை விளிம்புநிலைக்குத் தள்ளின; இப்போது பாஜக ஒருபடி மேலே போய் நம்மைத் துடைத்தெறியப் பார்க்கிறது. அவ்வளவுதான்.
5. இன்றைக்கு ஏற்பட்டுள்ள இந்த மாபெரும் எழுச்சி நாம் அரசியல்படுவதற்கும், நாம் இழந்த உரிமைகளை சமரசமின்றிப் போராடிப் பெறுவதற்கும் வழிவகுக்கட்டும்.

-அஹ்மத ரிஸ்வான்